Tuman ka importante ang presensya sang pulis.
Bangud kun may pulis sa lugar, malikawan ang mga krimen.
Didto sa South Korea, may yara sang pulis nga nagabantay sa mga plaza kag nagatindog lang sa bilog nga gab-i.
Sa imo nga pagdumdom, tuman ka pisan sang amo nga pulis bangud wala ini ginakapoy sa pagtindog.
Indi mo man ini makita nga nagapungko.
Indi mo man siya makita nga nagalibot bangud yara lang gid ini nagatindog sa isa ka lugar.
Ang ini nga pulis, wala nagaginhawa. Buot silingon, indi ini tawo nga buhi.
Kundi isa lamang ka hologram nga isa ka three-dimensional (3D) image gamit ang suga.
Ang makit-an gali nga pulis sa South Korea ang isa ka life-size hologram sang police officer.
Sa una mo nga pagkita, daw mapati ka gid nga may pulis sa lugar, rason nga kadam-an sa mga tawo sa nasambit nga pungsod ang nakulbaan nga maghimo sang krimen. P
amatuod dira ang pagnubo sang krimen sa South Korea sa 22%.
Ang hologram sang pulis ang isa lamang ka pagpamahog didto sa South Korea nga napamatud-an nga epektibo ini nangin malinong ang lugar.
