ROXAS CITY – Tuman na lamang ang pagpasalamat ni Police Corporal Ramjie Guevarra matapos nga ginpasidunggan ini sa pagkabaganihan niya bilang isa ka maayo nga pulis.
Sa Good Morning Philippines program ginpahayag sini nga tuman ang iya kalipay matapos nga ginpasidunggan kag ginkilala ini sang lokal nga gobyerno sang Tapaz kag sa hanay man sang Philippine National Police.
Ini matapos nga ginbalik ni Guevarra ang P40,000 nga aksidente nawigit sang tag-iya sa dalanon sa banwa sang Tapaz
Magluwas diri, ginkilala man ini sang Police Regional Office -6 sa iya ginhimo nga pagkabaganihan.
Ginpahayag pa sini nga wala ini nagpangduha-duha nga taguon ukon kuhaon ang amo nga kantidad sang kwarta para sa personal niya nga kagustohan bangud gilayon niya man ini ginbalik sa tag-iya.
Samtang, nagapaslamat naman si Guevarra partikular na sa iya nga misis kag sa Bombo Radyo matapos nga nangin viral ini sa social media.
