PANAY, CAPIZ -Yara na sa recovery stage ang isa ka pulis nga katapu sang Panay Municipal Police Station nga nagpositibo sa antigen ukon rapid test.
Ini matapos nga nakaangkon sang direct contact sa nagpositibo sa COVID-19.
Nagapang-edaron ang lalaki nga pulis sang 30-anyos kag ginpaidalum na sa monitoring.
Ginpahayag ni Police Lt. Francisco Umiten Jr., OIC sang Panay Municipal Police Station nga nag-abot na ang ila ginhinyo nga augmentation force gikan sa Capiz Police Provincial Office matapos nga nagpaidalum sa quarantine ang 13 ka mga pulis nga may yara sang direct contact sa nagpositibo sa COVID-19 nga pulis. Nahibaluan nga 17 sa makabig nga general contact ang naka-quarantine naman nasambit nga estasyon sang pulis.
Samtang, ang mga pulis naman nga na-assigned sa pag-upod sa Bantay Dagat ang maswerte nga wala maka-close contact sa nagpositibo nga pulis.
Ginkumpirmar naman ni Umiten nga limitado sa karon ang pagbaton nila sang mga pumuluyo nga nagapadulong sa ila nga istasyon bangud sa nasambit nga insidente.
