Pulis nga nahulog sa tulay ang salakyan, ginbawian na sang kabuhi

ROXAS CITY – Ginbawian na sang kabuhi samtang ginabulong sa ospital ang pulis nga naaksidente matapos nahulog sa creek ang ginamaneho nga salakyan sa Barangay Salocon, Panit-an.

Ginpahayag ni PO2 Francisco Balasa, imbestigador sang Panit-an PNP nga ginkumpirma sa ila sang bayaw ni PO2 Leo Bentazal nga ginbawian na ini sang kabuhi sang Lunes nga adlaw.

Matandaan nga una nga ginbawian sang kabuhi ang kaupod nga pulis ni Bentazal nga si PO2 Brix Castor sang Calinog, Iloilo.

Antes ang aksidente, nagpakigbahin pa ang duha ka mga pulis sa Brigada Eskwela.

Nahibaluan nga na-assign ang duha ka mga biktima bilang PNP Aviation Security personnel sa Roxas City airport.