Roxas CITY – Pilason ang isa ka pulis matapos nga ginaalegar ginluthang sang anay katapo sang Armed Forces of the Philippines sa Barangay Lawaan, Roxas City.
Ginkilala ang biktima nga si Police Corporal Jeorge Catalan, 31 anyos, traffic investigator sang Roxas City PNP kag residente sang Barangay West Villaflores, Maayon, Capiz.
Base sa inisyal nga imbestigasyon sang mga pulis nga samtang nagainom ang biktima kagab-i kaupod ang duha ka pakaisa nga sanday Wilfred Dela Cruz kag JR De Juan sang hinali na lamang sila nakabati sang tatlo ka lupok sang armas luthang rason nga gilayon ang mga ini nagkuob.
Apang, nakita na lamang nga may yara na sang igu sang bala sa lawas ang nasambit nga biktima nga gilayon naman gindala sa ospital kag padayon sa karon nga ginabulong.
Samtang, ginapatigayon naman ang hot pursuit operation sang mga kapulisan gilayon naman nila nga nadakpan ang suspek nga si Emerson Taburnal 33-anyos sang Barangay Lawaan sining siyudad.
Sa karon, nakahunong na sa karsel sang Roxas City Police Station ang nasambit nga suspek kag padayon naman nga ginahibalo sang mga pulis ang motibo sini sa nasambit nga krimen.
