Pulo ka tawo patay sa pagsigabong sang palupok sa religious festival sa Mexico

Patay ang pulo ka tawo sa pagsigabong sang palupok sa religious festival sa Mexico.

Yara naman sa 64 ka mga tawo ang pilason sa amo nga insidente nga natabo malapit sa Santa María Canchesdá.

Bangud sa kabaskugon sang paglupok, nawasak ang bahin sang simbahan kun sa diin pila ka mga tawo ang na-trap sa sulod sang istraktura.

Kalakip sa mga napilasan amo ang duha ka pari kag mga kabataan.

Nagapadayon pa ang imbestigasyon sang mga otoridad sa nasambit nga insidente.