Pulong Duterte, ginhangkat ang mga otoridad nga mangin patas sa imbestigasyon sa propiedad sang ila pamilya

Ginpatutsadahan ni Davao City 1st District Rep. Paolo “Pulong” Duterte ang gin-alegar mandu sang isa ka ahensya sang gobyerno sa Investigation Division for Public Corruption nga imbestigaran ang mga propiedad sang ila pamilya.

Sa iya Facebook post, ginhangkat ni Duterte ang mga otoridad nga mangin patas sa pagpatigayon sang imbestigasyon kag siguraduhon nga ebidensiya indi pulitika ang mangin basehan.

Suno sa iya, nagakadapat man nga imbestigahan ang mga nadalahig sa kontrobersiya sang flood control projects.

Ginpanindugan man sini, kun may yara sang responsable, dapat indi pagpilion kag manabat ang tanan nga involved.