Ginkwestyon ni Davao City 1st District Representative Paolo “Pulong” Duterte ang posibilidad nga 10 ka boto lang ang kinahanglan agud baliskaron ang nauna nga ruling nga nagtalana sang 16 ka boto agud ma-convict si Vice President Sara Duterte sa impeachment trial.
Ang isyu nahanungod sa voting threshold kon sa diin ginkwestyon sang Senado kun dapat bala magapabilin ang 16-vote requirement kasunod sang pagkadula sang pila ka mga senator-judges sa impeachment proceedings.
Samtang, ginpanindugan ni Pulong Duterte nga indi basta-basta magamit ang mas manubo nga numero sang boto agud malampuwasan ang constitutional requirement.
Pahayag pa niya, mahio nga bastante ang 10 ka boto para sa isa ka procedural question kon amo ina ang ginatalana sang mga pagsulundan sang Senado, apang wala ina nagakahulugan nga ang kinahanglanon sa konstitusyon mahimo nga mabag-o paagi sini.
Padayon nga ginatun-an sang Senate impeachment court ang bagay sa voting threshold sang impeachment case sang bise presidente.
