ROXAS CITY – Totally burned ang isa ka puluy-an matapos ginlamon sang kalayo sa Barangay Poblacion, Dumalag, Capiz.
Ang nasambit nga puluy-an ang ginapanag-iyahan ni Daniel Ashley Frial, 26-anyos.
Base sa impormasyon nga nakuha sang Bombo Radyo nagikan sa Dumalag Fire Station, nakabaton sila sang report kung sa diin may yara sang nasunog nga balay sa amu nga lugar.
Mahibaluan 4 tanan ka mga firetrucks ang nagreponde sa lugar nga ginakalakipan sang Dumalag Fire Station, Dumarao, Cuartero kag Tapaz Fire Station.
Masuwerte naman nga wala sang napilasan sa nasambit nga sunog kag ginabulubanta mas o menus P135,000 ang nangin halit sang nasambit nga sunog.
Sa karon, nagapadayon pa ang imbestigasyon sang mga bomber kun ano ang gintunaan sang amu nga insidente.
