Puluy-an, partially burned matapos masunog sa syudad sang roxas

Partially burned ang isa ka puluy-an matapos masunog sa Sitio Kalubihan, Barangay Tanque,syudad sang Roxas.

Ginapanag-iyahan ang amo nga puluy-an kay Judy A. Vidal kag residente man sang amo nga lugar.

Sa nakuha nga impormasyon sang Bombo Radyo nagikan sa Roxas City Fire Station, ginpahayag sini nga nakabaton sila sang tawag nga may nagluntad nga sunog sa amo nga lugar rason nga gilayon nila ini nga ginpadulungan ang lugar agud matapna ang amo nga kalayo.

Pahayag pa sini nga human sa light materials ang amo nga balay.

Samtang, naglab-ot naman sa Php 3,591 ang nangin kahalitan sa amo nga sunog.

Sa karon, nagapadayon pa ang imbestigasyon sang mga katapo sang Bureau of Fire Protection sa natabo nga insidente.