ROXAS CITY, CAPIZ- Partially burned ang isa ka balay, samtang natupok naman ang mga kagamitan matapos ang nagluntad nag sunog sa Sitio Pa-on, Barangay Dumulog, Roxas City.
Ang nasambit nga puluy-an ang ginapanag-iyahan ni Vergilio Bartolome, nagapang-edaron sang 78.
Sa interview sang Bombo Radyo kay Mrs. Shirley Bong-ao, bata sang tag-iya sang amo nga puluy-an, iya ginpahayag nga sandig sa panaysayon sang iya nga baayw, may nabatian ini sila nga mga paglupok sa sulod sang kwarto sa ikaduha nga panalgan sang ila nga balay sa diin nga ginsaka nila ini kag gin-chekyar. Apang sa ila nga pagpadulong, nagkalayo na ang amu nga kwarto rason nga nagdalagan na ini sila nga apat paguha, kag nagpanawag sang bulig.
Dugang diri, wala naman suno sang may nakapangsaksak nga kagamitan sa amu nga panalgan kag nakapan-off man suno sa iya ang mga kagamitan nga nahamtang didto.
Nahibaluan nga sang tion nga nagluntad ang amu nga sunog, apat ka mga persona nga ginakalakipan sang ila nga amay, gumangkon, utod, kag bayaw ang yara sa sulod sang gound floor.
Nadeklarar naman nga fireout takna las 7:24 sang gab-i.
Samtang, nagapanuktok sa may mga mabinulawanon nga tagipusuon ang pamilya sang nasunungan nga nagapangayo sang bulig maskin sang panapton nalang bangud nga wala gid ini sila sang may nasalbar nga mga pagkabutang.
Sa karon, nagapadayon pa ang imbestigasyon sang mga bombero agud matumod ang gintunaan sang nasambit nga sunog kag mahibaluan kun pila ang kabilugan nga balor nga ginbilin nga halit sini.
Interviewed by Bombo Roadnie Daban Dalanon
