Puluy-an partially burned, sa banwa sang Dumalag

ROXAS CITY – Partilly burned ang isa ka puluy-an, matapos nga gintupok sang kalayo sa Barangay Consolation, Dumalag Capiz takna alas 10:20 kagab-i.

Ginkilala ang tag-iya sang puluy-an kay Candelaria Ortiz 61-anyos.

Sa impormasyon nga nagikan sa Dumalag Fire Station, yara sa puluy-an ang tag-iya sang balay sa diin ginapahayag nga nagsugod ang kalayo sa ila kusina nga human sa light materials apang ang kabilugan sang ila balay amu ang sementado.

Mahibaluan nga takna alas 12:17 sang kaaganhon gindeklarar nga fire out.

Sa karun nagapadayon pa ang imbestigasyon sang mga otoridad agud mahibaluan anu ang gintunaan kag kun pila ang nangin kahalitan sang nagluntad nga sunog.