LACARON, Dao, Capiz – Natupok sang kalayo ang puluy-an sang isa ka senior citizen sa Sitio Proper, Barangay Lacaron, Dao, Capiz.
Ang nasunugan amo si Mrs. Germia, 82-anyos, kag residente sang nasambit nga lugar.
Matandaan nga natabo ang sunog Agosto 16, sa takna sang 10:34 sang gab-i, kun sa diin isa ka puluy-an ang nasunog.
Sa interview sang Bombo Radyo kay Fire Officer I Ryan Christian J. Andres, Fire Arson Investigator sang Dao Fire Station, iya ginpahayag nga base sa initial nga imbestigasyon sang Dao Fire Station bangud sa brownout sa amo nga adlaw nag sindi sang kandila ang tag-iya sang rason man nga ginatanaw ini nga kabangdanan sa pagkasunog sang iya balay.
Suno kay Andres bangud sa makitid kag malayo ang lugar nabudlayan ang katapo sang bombero sa pagresponde, apang sa gihapon indi ini nangin upang agud nga maghatag sang serbisyo nga matapna ang sunog sa nasambit nga lugar.
Pahayag pa niya kaupod sang senior citizen ang iya apo sa iya panimalay kag gilayon naman nga nakaguwa ang mga nasambit nga indibidwal sang luwas, apang bangud naman sa madasig maglapta ang kalayo nagresulta ini sang nga P720.000 nga balor sang sunog.
Nahibaluan nga yara nagapuyo si Germia sa puluy-an sang iya anak, samtang sa dugang nga impormasyon sang Dao Fire Station nahauna ini nga narekord sang pagkasunog sa Brgy. Lacaron, Dao, Capiz, kag sa bulan naman sang Agosto.
Sa karon bilang pahanumdom sa tanan suno kay Fire Arson Investigator mahimo ini nga malikawan pinaagi sa paghalong kag pagbantay sang mga ginsindihan sa tion sang brownout agud indi na maliwat ang amo nga sunog.
