-- ADVERTISEMENT --
ROXAS CITY – Totally burn ang isa ka residential nga balay, matapos masunog kagb-i takna alas 9:55 sa Sitio Esperanza, Barangay Binantucan banwa sang Pontevedra.
Ginkilala ang tag-iya sang balay kay Marieta Peñalosa 61-anyos.
Sa impormasyon nga nakuha sang Bombo Radyo nagikan sa Bureau of Fire Protection Panitan, nagsugod ang sunog takna alas 9:55 sang gab-i kag gindeklarar nga fire out alas 10:33 sang gab-i.
Mahibaluan nga human sa light materials ang amu nga puluy-an kag wala sang upod si Peñalosa.
Bangud sini naglab-ot sa P14,000 ang inisyal nga nangin kahalitan sang amu nga sunog.
-- ADVERTISEMENT --
Sa karun wala pa matul-id kun anu ang gintunaan sang kalayo kag padayon pa ang imbestigasyon sang mga otoridad angut sa nasambit nga sunog.
