Totally burned ang isa ka puluy-an matapos masunog sa Sitio Luyo, Barangay Culasi, Roxas City.
Ginapanag-iyahan ang amo nga balay ni Marlene Moleño.
Sa impormasyon nga nakuha sang Bombo Radyo, ginapahayag nga nakabati na lamang ang mga residente sang singgitan nga may nagluntad nga sunog sa nasambit nga lugar.
Gilayon naman ini nga nagpanawag sang bombero ang mga residente rason nga madasig ini nga ginrespondihan sang Roxas City Culasi Fire-Sub Station.
Ginpahayag nga 4 ka fire truck ang nagpadulong sa lugar nga ginakalakipan sang FE02 Shift A, Red Angel, CACAG Firetruck kag Ferocity agud nga madali mapalong ang amo nga sunog apang wala na maabutan pa kag dalayon na nga gintupok sang kalayo.
Mahibaluan nga human sa light materials ang nasambit nga balay.
Nagdangat naman sa P18,000 ang nangin kahalitan sang nasambit nga sunog. ‘
Sa karon, padayon pa ang imbestigasyon sang mga katapo sang bombero angut sa nasambit nga sunog.
