Nagpabutyag sang balatyagon ang isa ka pumuluyo sang syudad sang Roxas angut sa nagakahinabo nga kalamidad sa pungsod.
Sa interview sang Bombo Radyo kay Berto, iya ginpahayag nga isa ka natural disaster ang nagakalatabo nga kalamidad sa pungsod kasubong sang bagyo kag linog.
Suno kay Berto, dapat nga mangin preparado kita sa pag-atubang sang sini nga kalamidad kasubong sang pagpabakod sang atun nga panimalay agud indi madali nga mawasak kun mag-abot ang kasubong nga hitabo.
Pahayag pa niya, magpamati gid sa mga panugyan sang gobyerno sa mga dapat sundon kasubong sang pagpakigbahin sa earthquake drill kag kun ang imo balay natuon sa lugar nga flood prone area, ang mangin alerto sa lebel sang tubig.
Dugang pa sang natungdan, ang ini nga mga kalamidad ang pamaagi sang pagpamukaw nga magbag-o kag mas pabaskugon ang pagsalig sa Ginoo.
