ROXAS CITY – Dismayado ang punong barangay sang Barangay Bolo Roxas City matapos nga ginpost sa Facebook sang isa ka residente ang mabaho nga uga nga kabahin sang ginpanagtag nga relief goods sa amo nga barangay.
Suno sa pahayag ni Punong Barangay Siolly Andrade nga ginkakibot sini ang pagpost sa Facebook ni Francis Cantiller nga ginareklamo ang mabaho nga uga.
Gilayon nga ginkompronta ni Andrade si Cantiler bangud nahuy-an ini sa ginpost sini sa Facebook.
Gindugang pa ni Andrade nga ginbawi sini ang ginhatag nga relief goods apang gintuad ni Cantiller nga ginprito na sini ang isa ka putos nga uga kag gintig-ang ang isa ka putos nga bugas.
Ginpabugal naman ni Andrade nga sa masobra 2 mil ka mga residente nga ginhatagan sini sang relief goods si Cantiller lamang ang nagreklamo.
