Punong Barangay Avelino, tuman ang kasadya kag pagpasalamat, matapos mapilian nga mangin recipient sa patigayunon nga mall voting

ROXAS CITY – Tuman ang kasadya kag pagpasalamat ni Punong Barangay Roberto D. Avelino sang Barangay 10, matapos mapilian ang ila lugar nga mangin recipient sa patigayunon nga mall voting sa palaabuton nga National ang Local Elections 2025.

Sa interview sang Bombo Radyo kay Avelino, ginpahayag sini nga una na sila nga nagpatigayon sang Comelec assembly kag signature campaign sa mga pumuluyo sa ila barangay.

Suno sa Punong Barangay nga 98% sang iya mga pumuluyo ang nagpirma kung sa diin nagapasugot ang mga ini nga isaylo ang ila voting center sa palaabuton nga pagpiniliay.

Mahibaluan nga may yara sa kapin 1,300 nga mga botante ang nasambit nga barangay.