Punong barangay Caporal, ginklaro nga wala sang ginapatigayon nga illegal quarry ops sa Barangay Parian

SIGMA, CAPIZ – Ginpanginwala ni Punong Barangay Melvin Caporal sang Barangay Parian, Sigma, Capiz nga may yara sang ginapatigayon nga quarry operation sa ila nga barangay.

Suno kay Caporal nga wala sang quarry operation nga nagakahinabo sa ila barangay nga kabaliskaran sang mga ginapaguwa nga reklamo sang mga residente.

Ginklaro ni Caporal nga nagaserbe nga motorpool ang tunga sa ektarya sang duta nga ginahimu parking area sang duha ka mga backhoe kag dump truck.

Kontra ni Caporal ang quarry operation sa ila nga barangay bangud indi sini luyag nga mahalitan ang suba nga dala sang mga lapok nagikan sa quarry operation.

Ginpahayag sini nga may yara sang quarry operation sa Barangay Malapad Cogon kag indi sa iya nga barangay.