ROXAS CITY – Opisyal na nga nagtal-os bilang Liga ng mga Barangay President sa banwa sang Panitan ang Punong Barangay sang Barangay Capagao, sang amo nga banwa nga si Hon. Leodegario Deocampo.
Ini matapos nga nagtaliwan ang anay Ex-Officio Member kag ABC President nga si Lilia Demalata sa edad nga 81 anyos bangud sa cardiac arrest kag ini ang gindul-ong na sa iya katapusan nga palahuwayan subong nga adlaw.
Suno kay Deocampo nga sadtong Hunyo 30 sang opisyal ini nga nagsumpa sa alkalde sang banwa bilang bag-o nga ABC President.
Ginkompirmar man ni Deocampo nga nagtal-us bilang kapitan sang Balatucan, Panitan ang number 1 kagawad nga si Nelma Dumalag nga manghod man sang nagtaliwan nga si Demalata.
Posible naman suno kay Deocampo nga pagahinalaan nila sa Liga ng mga Barangay kun sin-o ang magatal-us sa iya ginbakantehan nga posisyon nga pagkabise-presidente.
Posible suno diri nga pagapilian para sa amo nga posisyon ang punong barangay sang Barangay Pasugue ukon Bahit sang nasambit nga banwa.
