ROXAS CITY – “Romeo Doloso isa ka nalang, p*ta ka”
Ini nga mga tinaga ang nabasahan ni Punong Barangay Romeo Doloso sang Brgy. Liong, Roxas City, sang ginhatag sa iya ang pinutos nga papel nga may unod baseyo kag bala sang armas-luthang, nga ginbilin sa ila Barangay Hall.
Sandig sa Facebook post ni Kapitan Doloso, ginpahayag sini nga kilala niya ang naghimo sang amu nga pagpamahog sa iya kabuhi.
Ginsiling man sini nga indi dapat sila maghimo sang katuntohan agud maayo ang ila pagsinalayo.
Ginpanindugan pa sang Punong Barangay nga wla ini sang may ginahimo nga malain sa ila barangay kag kasadyahan lamang ang iya gina-ubra para sa ila lugar.
Sa karon, may ginakabig na nga motibo sa pagpadala sang ‘death threat’ kag ginpalab-ot naman ini sa otoridad.
