PRESIDENT ROXAS, CAPIZ- Gin-athag ni Punong Barangay Kenneth Fabros sang Barangay Pantalan, President Roxas, Capiz ang rason sang mainit nga komosyon nga nagluntad sa tunga nila sang tresyurera sa ila nga Barangay Hall.
Sa interview sang Bombo Radyo, iya ginpahayag nga kaangay gin-guba sang tresyurera ang iya nga pagsalig bangud sa ginpalapta sini nga mga istorya.
Una suno sa iya nga natabo, ginpakigbahin nya sa tresyurera ang iya nga hibubun-ot sa iya nga pakisa sa diin nga dugang pa nya diri nya lang ginsalig. Apang, tuman ang iya nga kakibot sang gin-chat ini sang tresyurera ang iya nga paka-isa kag kaangay ginaguba ini sila nga duwa.
Nahibaluan nga pamaagi man sa mensahe sang iya nga pakaisa sa iya nga asawa, natukiban ang amo nga hitabo.
Samtang, gin-athag man sini nga wala nya ginhungod nga iguon sang ginhaboy nya nga tinapay ang amo nga tresyurera.
Pangabay naman sini sa mga nakakita sang naglapta nga video online nga indi na magsawsaw pa sa isyu kag kun may mahambal man mas maayo kun ini ang isa ka abiso.
Interviewed by Bombo Jessa Mae Siman De Los Santos
