Pormal na nga ginkakas sa puwesto si Punong Barangay Jeovany Arapol Balsote sang Barangay Bolo, Roxas City, matapos ipatuman sang Office of the Ombudsman-Visayas ang dismissal order batok sa iya.
Sa interview sang Bombo Radyo kay Gino Salamanca, hepe sang DILG Roxas City, iya ginpahayag nga personal nga nagpadulong sa talatapan sang barangay si Atty. R. Epicurus Carlo Salcedo, Acting Director sang Ombudsman-Visayas, agud ipahibalo kay Balsote ang pagpatuman sang mando.
Suno kay Salamanca, una nga ginsirbe ang dismissal order sang Agosto 5, 2026, apang liwat ini nga ginpatuman sang Ombudsman-Visayas kaupod ang DILG sang Oktubre 28, 2026, bangud may questuions sa petsa sang pagkakas sini sa puwesto.
Samtang, nag-assume na bilang bag-o nga Punong Barangay si Manuel Dela Cruz, ang number one kagawad sang barangay, sang Oktubre 29, 2026.
Matandaan nga may nakita nga prima facie evidence ang Ombudsman-Visayas sa reklamo nga ginpasaka ni anay Barangay Secretary Pascual Gemido batok kay Balsote may kaangtanan sa ginapatihan nga paglapas sa Anti-Graft and Corrupt Practices Act kag Code of Conduct and Ethical Standards for Public Officials and Employees.
