Punong Barangay Johnny Arciga nagpakighinala sa tag-iya sang mga ginhiluan nga mga ido kag ginatudlo sini nga suspek sa Brgy. Sibaguan, Roxas City

ROXAS CITY – Nagpagkighinala na si Punong Barangay Johnny Arciga sa tag-iya sang mga ido nga ginhiluan patay kag sa ginatudlo sini nga suspek sa Barangay Sibaguan, Roxas City.

Sa interview sang Bombo Radyo kay Arciga nga hugot nga ginpanginwala ni alyas Ramil nga siya nagpanghilo patay sa mga hinuptan nga ido ni Juliet Anonat 65-anyos sang amo nga lugar.

Ini bangud ginapahayag nga wala man sang ebidensya si Anonat nga nagapamatuod nga ginhiloan patay ni alyas Ramil ang iya Labrador nga ido.

Apang, nagpasalig naman si Arciga kay Anonat nga pasabton ang suspek nga nagpanghilo sa iya mga ido.

Matandaan nga nagparekord ini sa Roxas City Police Station matapos nga ginahiloan patay ang iya mga hinuptan nga ido.