Nagapanawagan si Punong Barangay Juan Deita Baulite sa Department of Public Works and Highways nga tapuson na ang pagkaayo sang river control project sa Barangay Ambilay, Panitan, Capiz.
Suno kay Baulite, ilisipon lang mga mga naga-ubra kag liwat naman nga nauntat sang nagligad nga semana bangod sang malain nga panahon.
Dugang pa ni Baulite, yara pa lang sa 30 percent ang pagkaayo sang amo nga river control.
Pahayag pa ni Baulite, umpisa sang nagligad nga bulan, wala na nakapakita pa ang contractor sang nasambit nga proyekto.
Nahibaluan nga sang Agosto 2024, ginsuguran ang nasambit nga mitigation flood control project nga may ginabulubanta nga P67 million pesos nga budget.
Sa subong, nagaplano ang natungdan nga magapakig-angot sa talatapan sang Department of Public Works and Highways agud nga maistoryahan ang pagtapos sang nasambit nga proyekto.
