ROXAS CITY – Nagpaathag ang punong barangay kag isa ka Barangay Health Worker (BHW) sang Barangay Bolo, Roxas City natuhoy sa pagkalakip sang pangalan sang isa ka napatay nga persona sa listahan sang mga benepisyaryo sang Social Amelioration Program (SAP) sang Department of Social Welfare and Development (DSWD).
Suno sa BHW nga si Manang Sally, una sila nga nagpanglista sang mga benepisyaryo sang bugas gikan sa gobyerno sang siyudad kun sa diin diri nalakip ang pangalan ni Clarito Adagao Sr.
Ginpahayag sini nga nagba-se lamang siya sa listahan nila sang mga households kag lipod sa iya ihibalo nga napatay na gali si Adagao Sr. sa Metro Manila.
Suno diri nga mangin siya ang nakibot sang gintundaan nga nagtaliwan na ang amo nga persona.
Nagguwa pa suno diri ang pangalan ni Adagao Sr. sa listahan sang mga SAP beneficiaries bangud ginba-se man ini sa listahan sang mga household sang makabaton sang bugas.
Suno diri nga ginpakamaayo niya nga ipa-transfer ang nasambit nga ayuda sa anak sang napatay.
Apang sa ila kakibot, nagguwa man ang pangalan sang anak sang napatay nga si Adagao Sr. sa listahan sang mga SAP beneficiaries rason nga nagdoble na ang benepisyaryoo sang amo nga ayuda sa nasambit nga household.
Panindugan ni Manang Sally nga posible nalipatan lamang sa pagkakas ang pangalan ni Adagao Sr. kag nagapati siya nga mahimo gihapon ini nga dulaon agud indi magdoble ang makabaton sang ayuda sa amo nga household.
Ginpahayag naman ni Punong Barangay Siolly Andrade, sining damlag lamang napatay si Adagao Sr. rason nga wala pa makakas ang iya pangalan sa listahan sang mga households sang barangay.
Posible suno diri nga naling-an lamang ang amo nga pangalan kag wala makakas sa amo nga listahan.
Ginklaro naman ni Andrade nga ang ila ginpaskil nga listahan ang indi pa sang pinal kag may mga pangkakson pa diri nga pangalan.
Ginpanindugan naman sini nga may ginasandigan nga guidelines ang mga BHW’s sa pagtumod sang mga benepisyaryo sang nasambit nga ayuda.
