ROXAS CITY – Ginsabat ni Dumulog Punong Barangay Stephen Medina ang mga alegasyon sang isa sini ka residente batuk sa iya.
Suno kay Medina, wala ini nagbalibad sa hinyo ni Yolly Jean Escaño nga gamiton ang covered gym kundi natyempohan lamang nga wala sini mabaton ang request letter bangud ginpatawag ini sa city hall.
Hugot man sini nga ginpanginwala ang akusasyon ni Escaño nga nagwaras ini kag nagbuya sang indi maayo nga mga tinaga.
Ginsabat niya lang suno diri si Escaño kag ginhambalan nga magkadto kun ginapatawag sang barangay.
Pahayag pa ni Medina nga may complaint nga ginpalab-ot sa iya opisina batuk kay Escaño apang wala ini nagasapol rason nga iya ginpatawag.
Dugang pa ni Medina nga indi niya naluyagan ang ginaubra ni Escaño nga kun magkadto sa barangay hall naga-video ini nga wala nagalisensya.
Ginpahayag pa ni Medina nga nasabat niya na sa DILG ang nasambit nga isyu kag handa sini nga atubangon pananglitan nga may iga-file nga kaso si Escaño batok sa iya bangud may legal council ini nga magaatubang.
