ROXAS CITY – Nagpakatig-a ang punong barangay sang Barangay Inzo Arnaldo Village, Roxas City nga magpanaug sa pwesto sa pihak sang ginpaguwa nga suspension order sang Sangguniang Panlungsod kasunod sang reklamo batuk sa iya paggamit sang pondo sang Sangguniang Kabataan sa pihak sang pagpamatuk sang mga SK officials.
Sa interview sang Bombo Radyo kay Kapitan Einstein Okpora, ginpahayag sini nga wala nasunod ang legal nga proseso sa duha ka bulan nga suspension order nga ginpapanaug sa iya sa administrative case nga Simple Misconduct.
Suno kay Okpora nga wala na-notify ang iya nga abogado nga kuntani nakapasaka sila sang appeal kun nahatagan lamang sang panahon.
Nagpanindugan man ang punong barangay nga political harassment ini sa iya bangud bise alkalde sang Roxas City ang amay ni 1st kagawad Ervin Sicad nga amo ang magapungko bilang acting barangay kapitan sang Barangay Inzo Arnaldo Village.
