Gin-athag ni Punong Barangay Jobby Nalica ang reklamo sang isa ka concerned citizen nga wala ginaaksyunan sang mga Barangay Officials ang madugay nga problema sa ila lugar.
Sa interview sang bombo Radyo kay Punong Barangay Jobby Nalica kaangut sa reklamo nga nabubulahaw sa tion sang kagab-ihon sa mga motorista nga open muffler, buho sa imburnal sa ila nga brgy. kun sa diin madamo na sang mga tawo kag salakyan nga nalusot kag naga resulta sang pagbinaha sa isa porsyon sang karsada.
Sa panaysayon ni Nalica, hugot ini ginabantayan sang iya mga Barangay tanod ang palibot sang ila barangay agud wala sang mga open muffler ang maga distorbo sa pagpahuway sang mga pumuluyo.
Apang likod malang sang Barangay tanod ang ginabantayan sang mga pasaway nga mga motorista.
Dugang pa ni Nalica ,masami nga ginmanduan sini ang iya mga barangay official partikular ang mga BPAT member nga mag-roving kag subong man magpatigayon sang curfew sa ila barangay.
Pahayag pa sini nga wala untat ang ila nga pagpatrolya kag wala man sila nagapabaya agud mamintinar ang kalinong kag katawhay sang ila lugar.
Dugang pa ni Nalica nga may mga ka grupo sang mga tanod nga ginakabug-usan sang pila ka tanod kada grupo ang nagaronda kada gab-i tubtob kaaganhon.
Sa pihak sini, ginapasangkad man sang amo nga barangay ang pagpatigayun sang mga program sa infrastraktura nga naga tuyo sa pagkay-o sang mga karsadahon sang palibot kag ginpalab-ot naman ang nasambit nga problema nga buho sa imburnal sa City Engineers office para sa mas maayo nga drainage system sang ila barangay.
Suno pa kay Nalica, magsalig lang sa ila nga mga proseso bangud sila nagatinguha gid tanan sa barangay agud maakomodar ang tanan nga reklamo sa ila nga talatapan.
Panugyan ni Nalica sa tanan nga mga pumuluyo nga magkooperar sa ila tanan mga programa agud mapabilin malinong kag matawhay ang bug-os nga barangay para mapabakod sang ihibalo sang mga pumuluyo, bilang kabahin sang paghiliusa sang mga ini kag ika ayo sang mga pumuluyo sa ila barangay.
