Epektibo kahapon nga adlaw ang ginserbe nga 60 diyas nga preventive suspension batuk kay Punong Barangay Restituto ‘’Resty’’ Oquendo sang Barangay Hipona, Pontevedra, Capiz.
Ginpahayag ni Mayor Esteban Dodoy Contreras sang Pontevedra, katuyuan sang nasambit nga preventive suspension order agud malikawan nga ma-impluwensiyahan ang ginapatigayon nga imbestigasyon sa administrative complaint nga ginpasaka batuk kay Kapitan Oquendo
Nahibaluan nga Hulyo 12, 2021 sang nagpapanaug sang Resolution No. 01 ang Committee of the Whole sang Sangguniang Bayan sang Pontevedra nga naga-rekomendar sang 60 diyas ukon duha ka bulan nga preventive suspension batuk kay Kapitan Oquendo, angut sa administrative complaint nga ginpasaka sa iya sang pila ka mga indibidwal nga ginpangwas-ag sini ang mga baligya kag ginpahog sa daan nga merkado sang Barangay Hipona sadtong Mayo 15, 2021.
Suno sa alkalde nga bilang amay sang banwa sang Pontevedra nagpapanaug ini sang memorandum order nga naga-implementar sa nangin rekomendasyon sang Sangguniang Bayan. Samtang pagatal-usan si Oquendo sang 1st barangay kagawad nga si Mildred Tumlos sandig man sa rule of succession
