Punong barangay sa Capiz ginpasakaan na sang panumbungon nga rape

ROXAS CITY – Pormal na nga ginpasakaan sang panumbungon nga rape sa provincial prosecutor’s office ang isa ka barangay kapitan sa segundo distrito sang probinsiya sang Capiz matapos gin-alegar ginhimuslan ang isa ka menor de edad.

Ba-se sa pagpangusisa sang Bombo Radyo nga school girl sang pamilya sang punong barangay ang biktima.

Nagpamalibad nga maghatag sang komento ang pamilya sang menor de edad bangud kilala kag impluwensiyado sa ila nga lugar ang nasambit nga punong barangay.

Nahibaluan nga gintago  sang iya pamilya ang biktima bangud kasubong nga na-trauma ini sa natabo sa iya.