Punong barangay sang Barangay Barra, ginpanginwala ang pagpadulong sa barangay hall sang mga investors sang RGS World Marketing Corporation

ROXAS CITY – Wala sang investors sang RGS ang nagpadulong sa barangay hall sang Barangay Barra, sining syudad.

Ini ang ginpahayag ni punong barangay Ernie Borreros kasunod sa ginpaguwa nga memorandum sang RGS World Marketing Corporation nga temporaryo nga ginhold until further notice ang pagproseso kag schedule sang pull-outs kag refund sa mga miyembro sang ila investments.

Suno kay Kapitan Borreros nga wala sang mga investors nga nagpadulong sa ila barangay hall para magreklamo.

Apang aminado ang opisyal nga sang nagligad nga semana may yara sang complainant, apang posible nga may nalab-ot sila nga kasugtanan rason nga wala na sila nakabalik tobtob sa karon.