Nagpa-athag ang punong barangay sang Barangay Binuntucan, Pontevedra nahanungod sa pagpanagtag sang cash assistance.
Sa interview sang Bombo Radyo kay Punong Barangay Tomasa Delos Reyes, iya ginpahayag nga sang tion sang Bagyo Ramil, wala sang mga tawo nga nagpadulong sa evacuation center gani nga naglibot sila sa mga coastal area kag nagpanglista.
Suno kay Punong Barangay Delos Reyes, wala ini magdahum nga may pila ka mga pumuluyo nga malapit sa creek ang nabahaan man.
Pahayag pa niya, bangud sa deadline sang pagpasa sang mga pangalan, wala malakip ang iban nga mga pumuluyo sa first batch sang mga ginhatagan sang foodpacks kag cash assistance.
Nagapangayo man ang natungdan sang gamay nga pag-intindi sa mga pumuluyo bangud nga nagapatuman lang sila sang mandu halin sa mas may puder sa ila.
