Daku ang pagpasalamat ni Punong Barangay Wenie Batuampo sa nabaton nga year-end bonus sang mga Barangay Health Worker (BHW) gikan sa City Government.
Sa interview sang Bombo Radyo kay Punong Barangay Batuampo, iya ginpahayag nga 23 ka mga mga Barangay Health Worker (BHW) ang nakabaton sang tag P2,000 nga bonus .
Suno sa iya, nagakadapat ang amo nga incentives bangud sila ang may daku nga bulig sa operasyon sang barangay apisar nakabaton sang indi maayo nga pagtratar kun kaisa sa mga pumuluyo.
Pahayag pa niya, ini nga kantidad ang makadugang sa handa sang mga Barangay Health Worker (BHW) bangud sang nagahilapit nga holiday season.
Nagpasiguro man ang natungdan nga magapadayon ang pagserbisyo sang tanan nga katapo sang iya barangay nga patas kag wala sang pinilian.
