ROXAS CITY, CAPIZ – Ginsiguro sang Punong Barangay sang Barangay Dayao, Roxas City nga yara sa maayo nga kahimtangan ang mga pumuluyo nga nag-evacuate bangud sa Bagyo Tino.
Sa interview sang Bombo Radyo kay Punong Barangay Wenie Batuampo, iya ginpahayag nga gin-akomodar sang ila talatapan ang tanan nga nag-evacuate apisar rason para maka-angkon sang gamay nga kagutok.
Suno kay Batuampo, may yara sang 44 ka pamilya ukon 49 ka indibidwal ang yara nagatinir sa Barangay Hall sang Barangay Dayao.
Samtang, nagbukas man ang Capiz State University-Dayao Satelite Campus kun sa diin naka akomodar sila sang 94 ka pamilya ukon 349 tanan ka indibidwal nga mga nag-evacuate.
Pahayag pa niya,may yara sang nagpakatig-a nga magpabilin sa ila mga panimalay apang mas madamu naman ang mga nagboluntaryo na kadtu sa mga evacuation center.
Nagpanawagan man ang natungdan nga mangin alerto bangud indi mapaktan ang panyempo kag posible pa nga maglain pa gid ang panahon samtang nagapalapit ang bagyo sa probinsya.
