ROXAS CITY – Personal nga nagpadulong sa istasyon sang Bombo Radyo Roxas si alyas “Inday” sang Barangay Dumulog agud ipalab-ot ang iya reklamo may kaangtanan sa wala paghatag sang bugas sa ila sang ila Punong Barangay nga si Stephen Medina.
Suno kay alyas “Inday”, indi lamang ini ang una nga tion nga wala sila nahatagan sang bugas bangud sadto man anay ginbalibaran man sila sang talatapan sang barangay nga indi sila maghatag sang bugas bangud wala sang ticket nga ginapakita.
Pahayag sini nga apisar wala sang ticket apang nakalista sa listahan ang ila pangalan obligado kun tani sila suno kay alyas “Inday” nga ihatag ini bangud ini ang nagikan man sa programa ni Roxas City Mayor Ronnie Dadivas kag indi nagikan sa ila kaugalingon nga bulsa.
Panawagan sini kay PB Medina nga kun tani hatagan ini sang aksyon bangud base sa ila nga nakikita kaangay nga nagasunod-sunod lamang ini sa iya mga nasakupan butang nga indi maayo para sa ila nga mga pumuluyo.
Samtang, bukas naman ang talatapan sang Bombo Radyo para sa mangin sabat sang Punong Barangay may kaangtanan sa alegasyon nga ginahaboy batuk sa iya.
