Plano nga tungaon sang Punong Barangay sang Barangay Tico, Panay, Capiz sa magagmay nga bahin ang tig-P20,000 nga educational assistance sa idalom sang Bawat Barangay Makikinabang Program.
Sa interview sang Bombo Radyo kay Punong Barangay Anthony Villaraiz, iya ginpahayag nga nagpakighinun-anon ini sa mga ginikanan angot sa iya desisyon kag tuman ang kalipay sang mga ini.
Suno kay Villaraiz, lima lang ka pangalan sang mga estudyante ang igapasa nila apang ang mabaton nga scholarship ang pagatungaon sa kapin 16 ka iban pa gid nga mga incoming fourth year student.
Pahayag pa niya, katuyuan sang sini nga tikang ang mahatagan sang bulig ang mga estudyante apisar sa gamay nga kantidad nga makapadayon sang ila sini nga pag-eskwela.
Nagpasalig man ang natungdan nga padayon ang ila pagserbisyo nga nakasentro sa kaluwasan, seguridad kag pagkinahanglan sang mga pumuluyo.
