Nagdepensa ang Punong Barangay sang Pinamalatican, Sigma, Capiz may kaangtanan sa ginaaelgar indi paghatag sini sang Certificate of Residency sa nagtaliwan nga myembro sang New People’s Army.
Ang napatay amo si Edwin Penequito Gregore alyas ‘Popoy’.
Sa interview sang Bombo Radyo kay Punong Barangay Gilda Bignayan, iya ginpahayag nga tumandok sang iya Barangay si Gregore apang humalin sang tuig 2003, wala na ini naka balik sa lugar tubtob sa nabalitaan na lang nga nagsulod ini sa rebelde nga grupo kag napatay sa engkwentro sang damlag lang.
Suno pa kay Bignayan, indi siya makahatag sang nasambit nga certificate bangud wala na ini sang record sa barangay inhabitance sang Pinamalatican kag certificate of non-residence na lang ang pwede base sa pagpakig-angut sini sa Department of Interior and Local Government (DILG).
Dugang pa sang natungdan, iya ginpamangkot ang hinablos sang napatay kag nahibaluan nga ihaya ang bangkay sa balay sang tiyo sini nga residente sang nasambit nga barangay.
