Ginkumpirmar ni Punong Barangay Johnny Arciga sang Brgy. Sibaguan, Roxas City nga may pila ka serye sang pagpangawat sa ila barangay.
Suno kay Arciga, nga may pila na ka mga residente sang ila Barangay ang nagpahayag nga ginkawat ang ila nga mga pila ka kasapatan rason nga gilayon nga ginmanduan sini ang iya mga barangay official partikular ang mga BPAT member nga mag-roving kag subong man magpatigayon sang curfew sa ila barangay.
Pahayag pa sini nga wala untat ang ila nga pagpatrolya kag wala man sila nagapabaya agud mamintinar ang kalinong kag katawhay sang ila lugar.
Dugang pa ni Arciga nga may lima ka grupo sang mga tanod nga ginakabug-usan sang lima ka tanod kada grupo ang nagaronda kada gab-i.
Mensahe sini sa mga pumuluyo nga mangin segurista kag indi maghatag sang kumpyansa kag mag-aligmat sa tanan nga oras.
