Punong Barangay Valles sang Brgy. Lonoy, Roxas City ginreklamo sang pila ka mga residente bangud sa indi patas nga pagpanagtag sang ayuda

ROXAS CITY – Nagpalab-ot sang reklamo sa Bombo Radyo Roxas ang wala na ginhingadlan nga residente sang Barangay Lonoy sining siyudad batuk kay Punong Barangay Ferdinand Valles.

Suno sa tagreklamo nga ginaalegar nga ginapili lamang sang nasambit nga opisyal sa ila barangay ang hatagan sang ayuda nagikan sa city government.

Ginpahayag sini nga sa tatlo ka hugnat sa pagpanagtag sang ayuda nga 25 kilos nga bugas ika-isa lamang ini makabaton.

Bangud diri, ginkalain ini sang iya buot bangud masami na ini nagatabo sa ila nga barangay indi lamang sa iya mangin sa iban nga mga pumuluyo rason nga ginpakamaayo na lamang sini nga i-reklamo.