Punong Barangay Wenie Batuampo, ginkadimasya ginhimu nga basurahan ukon dumping area ang isa ka bahin sang ila barangay

Ginkadismaya ni Punong Barangay Wenie Batuampo sang barangay Dayao, Roxas City, matapos ginhimu nga basurahan ukon dumping area ang isa ka bahin sang lugar sang ila barangay.

Sa interview sang Bombo Radyo kay Batuampo, iya ginpahayag nga kalabanan sang mga basura nga ginahaboy sa lugar ang nagahalin sa iban nga mga barangay.

Suno kay Batuampo, posible nga ginahabuyan sang basura ang lugar bangud wala pa sang Closed-circuit television (CCTV) nga naga-monitor sa lugar.

Nagpanawagan man ini sa publiko nga mangin responsable sa pagdumala sang ila mga basura kag respetuhon ang iban nga mga komunidad pinaagi sa husto nga paghaboy sang basura.