Ginmandu ni Russian President Vladimir Putin sa iya military nga dugangan ang numero sang mga suldado.
Sa mandu nga ginpirmahan ni Putin nga magadugang sila sang 180,000 nga mga suldado kag ini ang mangin epektibo sa bulan sang Disyembre.
Ang nasambit nga pagdugang sang numero sang mga suldado amo ang pangatlo nga beses nga sumugod sang ginsuguran ang pag-atake sang Russia sa Ukraine sadtong Pebrero 2022.
Bangud sa numero ang magalab-ot na sa 2.4 milyon ang ila military personnel kalakip na ang 1.5 milyon nga mga suldado.
Ang nasambit nga dugang nga numero sang mga suldado ang kasunod sang ginhiwat nga pag-atake sang Ukraine sadtong nakaligad nga bulan sa border sang Russia sa Kursk region.
Matandaan sadtong Agosto 2022 ginmandu ni Puton ang pagdugang sang 137,000 nga mga suldado nga may kabug-usan sadto nga 1.15 milyon nga numero.
Pag-abot sang Disyembre 2023 liwat nag ginmandu ni Putin ang dugang nga 170,000 ka suldado nga nagdala sang masubra 1.32milyon.
