Ginplastar ni Russian President Vladimir ang mga kondisyon para sa iya ceasefire deal sa pungsod Ukraine.
Sa iya paghinun-anon sa mga Russian ambassadors sa Moscow, ginsiling sini nga matabo lamang ang ceasefire kung dalayon na nga dulaon sang Ukraine ang mga banwa sang Donetsk, Luhansk, Kherson kag Zaporizhzhia.
Isa man sa mga kondisyon sini nga kinahanglan indi na pagdayunon sang Ukraine ang pakikipag-alyansa sa North Atlantic Treaty Organization (NATO).
Sa tion nga mahimo ini sang Ukraine, indi magduha-duha ang Russia nga i-atras ang tanan nga mga suldado nga naka-pwesto sa nagkalain-lain nga lugar sang Ukraine.
Angut sini hugot nga ginkontra ni Ukrainian President Volodymyr Zelensky ang nasambit nga mga kondisyon ni Putin kung sa diin isa suno diri ka Hitler-like “ultimatum”.
Nagpanindugan man sila nga makipagnegosasyon lamang sila sa Moscow kung wala sang mga puwersa sang Russia sa teritoryo sang Ukraine.
Ginhimo ni Putin ang pahayag isa ka adlaw antes ang paghinun-anun sang mga lider kung sa diin 90 nga mga pungsod ang magatambong nga pagahiwaton sa Switzerland kag indi imbitado ang Russia bangud isa sa pagatalakayon ang pag-angkon sang kahilwayan kag mangin malinong na ang Ukraine.
Samtang, ginbatikos naman ni US Defence Secretary Lloyd Austin ang pahayag ni Putin kung sa diin iligal nga ginsakop sang Russia ang Ukraine rason nga wala ini sang kinamatarong nga mag-demand.
Pahayag naman ni NATO Secretary-General Jens Stoltenberg nga indi seryuso si Putin sa nasambit nga paghinyo sang ceasefire.
