Dakop sang mga kapulisan ang isa ka Persons with Disability (PWD) nga lalaki matapos ginapahayag ginsulod ang isa ka balay sa Barangay Balucuan, Sigma, Capiz.
Ang wala na na ginhingadlan nga suspetsado ang residente sang nasambit nga lugar.
Sa nakuha nga impormasyon sang Bombo Radyo nagikan sa Sigma MPS, ginpahayag nga samtang nagapahuway ang biktima nga tag-iya sang amo nga puluy-an kaupod ang iya mga kabataan, ginapahayag nga pwersahan nga ginsulod sang suspetsado ang amo nga balay.
Gilayon naman nga nagpangayo sang bulig ang biktima sa mga katapo sang Brgy. Tanod sa lugar kag insigida naman nga ginturn-over ang suspek sa mga kapulisan.
Suno naman sa nangin pahayag sang mga himata sang amo nga PWD, ginaalegar nga may gina-suprehir ini nga balatian sa paminsaron.
Sa karon, nagapabilin ini sa paghinakop sang Sigma MPS para sa nagakaigo nga disposisyon.
