ROXAS CITY – Nagparekord sa Roxas City Police Station ang isa ka person with disability (PWD) matapos nga ginaalegar ginsakit ini sang isa ka manunudlo.
Ang nasambit nga tagreklamo amo si April Joy Arlante, 21 anyos sang Graceville, Barangay Tiza, Roxas City.
Base sa ginpabalhag ni Arlante, nagpadulong ini sa eskwelahan sang iya hinablos agud magdul-ong sang kwarta apang sa iya kakibot, gintawag siya sang manunudlo nga si Cheryl Alovera sang Barangay Inzo Arnaldo, sining siyudad.
Diri suno sa iya, ginaalegar ginpasulod siya sa classroom kag gin-akusaran ni Alovera nga malain magpanulok-tulok.
Ginkakibot ini ni Arlante kag suno sa iya, ginaalegar ginpaluhod pa siya sa sulod sang classroom.
Dugang pa nga alegasyon ni Arlante nga ginbunggo pa sang nasambit nga manunudlo ang iya ulo kag gingan-it ang iya nga buhok.
Bangud diri, ginpakamaayo na lamang ni Arlante nga ipabalhag sa pulisya ang natabo.
