ROXAS CITY – Indi upang ang kasablagan sa lawas para makabulig sa isigkapareho.
Ini ang motto sa kabuhi sang isa ka person with disability (PWD) nga pinakauna nga blood donor sa Dugong Bombo 2017.
Suno sa 1st time blood donor nga si Mr. Cayetano Jabel, 43-anyos sang Barangay Bitoon Ilawod, Cuartero, Capiz nga kalipay na sini nga mahibaluan nga may mabuligan nga tawo.
Gin-ako ni Jabel na nangin alagyan sang pagdonate sang dugo ang pagka-utod sang iya nga isa ka tiil atapos na-biktima ng hit and run sadtong 2016.
Diri niya narealisar ang ka-importansiya sang dugo sang nagkinahanglan ini para sa iya nga operasyon.
Nahibaluan nga sa pihak nga nabudlayan ini sa pagpadulong sa City mall sa Arnaldo Boulevard, Roxas City, ang venue sa diin ginpatigayon ang Dugong Bombo 2017 bangud nagagamit ini sang saklay, nagpasalamat sa gihapon si Jabel bangud sa bulig sang mga tawo nga iya nakaupod sa jeepney
