-- ADVERTISEMENT --
Padayon nga ginabulong sa ospital ang isa ka Person with Disability ukon PWD nga aksidente nabungguan sang isa ka tricycle sa Barangay Banica, sining syudad.
Ginkilala ang biktima nga si Joel Dumapit 52-anyos sang Barangay Ilaya, Panay, Capiz.
Sandig sa imbestigasyon sang kapulisan, nagtabuk sa karsada ang biktima apang aksidente nga nabungguan sang tricycle nga ginamaneho ni Santiago Bismanos, manugbaligya sang lubi kag residente sang Barangay Bunga, Panay, Capiz nga magapauli na sa ila balay.
Nag-angkon sang kapilasan sa lawas ang biktima nga gindala sa ospital agud madapatan sang pagbulong.
