ROXAS CITY – Pilason ang 41-anyos nga paralisado nga lalaki matapos ginaalegar ginlabo sang iya kaugalingon nga amay sa sulod sang ila puloy-an sa Baranagay Linampongan, Pontevedra Capiz.
Ginkilala ang biktima nga si Joseph Decena residente sang nasambit nga lugar.Sandig sa inisyal nga imbestigasyon ni Police Corporal John Altamia, imbestigador sang Pontevedra Municipal Police Station nagaguha nga samtang yara sa sulod sang ila balay ang biktima, hinalin nag abot ang iya nga amay nga si Elmer Decena, 61-anyos residente man sa amo nga lugar.
Mahibaluan nga yara sa idalom sang impluwensiya sang makahulubog nga ilimnon kag ginaalegar nga may natabo nga pagbinaisay sa tunga sang mag-amay kun sa diin hinali nga nag kuha sang sanduko ang suspek sa ila nga kusina kag gilayon nga ginlabo sa ulo sang makatatlo ka beses ang biktima.
Gilayon nga gindala sa Bailan District Hospital ang biktima para sa nagakaigo nga pagbulong.
Samtang naaresto naman ang suspek matapos nga nag tuyo ini nga magpalagyo.
Narekober sa lugar ang sanduko nga ginabulubanta 22 pulgada ang kalabaon.
Inaway sa pamilya ang ginalantaw nga motibo sang mga kapulisan sa amo nga insidente.Sa karun nakahunong na sa karsel sang Pontevedra Municipal Police Station ang nasambit nga amay.
