Nagpromisa ang Qatar-based nga kompanya nga JTA International Investment Holding nga maga-invest sang indi magnubo sa $3 billion sa Pilipinas, kalakip ang mga proyekto halin sa isa ka technology hub sa Pampanga tubtob sa pag-develop sang mga bag-o nga hotel sa Cebu.
Suno kay CEO Amir Ali Salemi, katuyuan sang kompanya nga makaangkon sang mga “unique projects” sa pungsod, kasubong sang plano nga tech city sa Pampanga nga nakitaan sang innovation kasubong sang Silicon Valley. Nakipag-partner na man sila sa Converge ICT para sa proyekto nga nagabalort sang $2 billion, kun sa diin preparado nga mag-invest ang JTA sang 60%.
Nagpahayag man sang interes si Salemi sa $1 billion nga proyekto sa Mactan, Cebu, kalakip ang isa ka five-star resort kag hotel-casino, agud pabaskugon ang turismo. Magluwas diri, palno man nila nga mag-alokar sang $300 million para sa isa ka tertiary hospital sa guwa sang Metro Manila.
Suno sa PCCI President Emeritus Enunina Mangio, target sang JTA Holdings nga maumpisahan ang mga proyekto sa ulihi nga quarter sang 2026, depende sa madasig nga pagpangita sang mga lokal nga partner.
