QC LGU, ginpaidalom sa quarantine ang masobra 40 nga may closed contact sa Mpox patient

Ginpaidalom sang Quezon City local government sa quarantine ang pila ka residente sa lugar nga natumod nga may closed contact sa pasyente nga nagpositibo sa Monkeypox.

Base sa impormasyon, nagdangat sa 41 individuals ang nakilala matapos ang contact tracing.

Ginapatihan nga madugangan pa ini, kun may iban pa nga magahambal nga naka-closed contact sang mpox carrier.

Ginpaathag naman sang QC government nga wala ini nagatuyo sang kahadlok, apang parte lamang ini sang paghalong agud indi maglapta ang amo nga balatian.

Nahibaluan nga wala sang travel history ang amo nga pasyente, gin-usisa man sang mga eksperto kun kay sin-o sini nakuha ang nasambit nga virus.